BSNL-i NE-Circle nung 4G tenzüktsü

Dimapur, August 22 (TYO) : Taruba ita ana tsüngda Bharat Sanchar Nigam Limited (BSNL)-i NE-II circle nung 4G sevice tenzüktsü.
Hombarnü CGM office nung osangbener den senden ka amendang, BSNL ketdangser kati ashiba agi 4G service ji NE-II circle ajunga nung tenzüktsü aser tanga 3G service provider tem den data speed timba agütsütsü.
Tang ya BSNL indang 3G data speed ji tanga private telecom sector tem indang 4G service dang nungi tekaraba lir, ta paisa shisem.
Deobar shia BSNL landline phone nung mapang telatetba makai free calling tenzükogo aser iba den külemi aonung 9:00 ako nungi anepdang 7:00 ako tashi free night calling agütsür.
Ano, BSNL-i Fair Usage Policy (FUP) quota kübok unlimited broadband plan 512 kbps aliba nungi 1 mbps kümdaktsüogo.
August 15, 2016 nungi ita shia sen 49  atema landline tasen enokba mapa tenzükogo aser iba nung installation charge magir aser BSNL prepaid SIM card ka angati agütsür.