BSNL-i Reliance Jio den tajungba asütsü tokteper

New Delhi, September 03 (Agencies) : Reliance-i tariff plan tajung benoka data service GB ka atema sen jenjang 50-i aludakja linük telecom nung temelenshi tajung ka bener arutsüba sülen sorkar meyong BSNL-i September 9, 2016 nü nungi data service GB ka nung senpak ka dang nungi tajemba agi agütsütsü. Parnoki “unlimited” wireline broadband ita nung sen 249 agi amshidaktsütsü.
“BSNL-i September 9, 2016 nü nungi sen dalang agi ‘Broadband plan Experience Unlimited BB 249’ lapoktsütsü,” ta BSNL sangdong ka ajanga metetdaktsüogo.
Iba plan ji ita trok amshiba sülen customer temi pei aginüba broadband plan tejen rongnungi mashi ka shima amshitsü maongka angutsü.
Relaince Jio-i taküm küm tatem tashi unlimited data aser voice calls agütsütsü ta sangdongba sülen BSNL-i iba osang sangoktsü.
BSNL mendenbuba aser MD Anupam Shrivastava-i, “Iba sentong tasenba agi nüburtem nem tajangshiba tajung agütsütsü aser ano tamshir tasen tali aiba akümtsü,” ta ashi.
BSNL-i, “Iba plan ita ka maneni amshi nungbo GB 300 tashi download sütettsü aser sen 249 agi GB paikaji agizüktetbaji tesüngmangtsü ka lir,” ta ashi.