BSNL puri Monthly Plans pezü sayaogo

Aami (June) 7, 2918 (Agencies): Jio Fiber broadband service amenoktsüba ajaki yongyaa ataba mapang ka nung state meyong Bharat Sanchar Nigam Limited (BSNL) puri sen 99 agi tenzüka broadband plan tasentem sayaogo. State meyong telecom operation company ya kümtem tsüngda atsüngzüka aoba nguogo ajisüaka parnok asentenshir customer tasen puatsü mechi nung speed 20Mbps tashi agütsütsüsa plan tasen pezü sayaogo.
Tawa sangdong ka ajanga ashiba agi, FTTH plan tema ya promotional basis nung ita trok atema sayaogo. BBG ULD plans sen jenjang ya 99, 199, 299 aser 399 asütsü aser data limit ya ita shia 45 GB nungi 650 GB tashi agütsütsü. Forced Usage Policy (FUP) limit atognba sülen 20Mbps speed ya 1Mbps-i alutsü, ajisüaka ayaterem nung original speed-i tanaben reset sütsütsü.
Anogo 90 ajungba sülen customer temi company-i offer asüba tanga plan shimtsüsa akümtsü, kechiyong plan tem ya promotional offer ka ama customer tasentem atema dang sayaogo. Service provider temi 1GB cloud storage den free email ids offer asür. Iba den külemi customer tem nem BSNL aser non-BSNL networks tem den tanen makai jembitsü asoshi maongka agütsür. BBG ULD plans ya Andaman and Nicobar islands dak alaka India tesem ajak nung sayatsü.