BSNL service majungba anema TSU-i longkak ait tenzükogo

Tening, March 09 (TYO): Tening jila nung BSNL cellular service kanga majungba anema March 8, 2019 nungi tenzüka Tening Student’s Union Nagaland-i longkak ait tenzükogo.
Tening students Union (N) leniba nung tetsürtem tentet, lanurtem tentet aser Consumers forum of Tening züngsemtemi longkak aitba nung shilem agidar.
Tening students Union Tir, Ngouphutkak Nrak-i sangdong ka ajanga, anogo melateti maneni longkak aittsü aser nüburtem timtem reprangteta company-i iba timtem atema meinyakra tapet mapang nung nüngdakra longkak tesashiba aittsü, ta metetdaktsüogo.