Budget senden Jan 29 nü tenzüktsü aser Feb 1 nü budget benoktsü

New Delhi, January 05 (Agencies): February 1, 2018 nü Union Budget 2018 benoktsü, ta Hokolbarnü Parliamentary Affairs Minister, Ananth Kumar-i metetdaktsü.
Minister-isa, Parliament nung budget senden January 29 nungi April 6, 2018 tashi amentsü, ta metetdaktsü.
Mezüngbuba shilemji January 29 nungi February 9 tashi amentsü aser tanabuba shilemji March 5 nungi April 6 tashi amentsü, ta Kumar-isa ashi.
Union Budget 2018 ji Union finance minister Arun Jaitley-i benoktsü.
January 29, 2018 nü linük Tir, Ramnath Kovind-i Parliament House anaprong külem senden nung jembitsü, aser kasa anogo nung Economic Survey benoktsü, ta sorkar osang ajanga metetdaktsü.
Taküm küm indang budget ya kanga tongtibang asütsü, kechiyong linük nung GST (Goods and Services Tax) benokba sülenbo tang mezüng Union budget benoker asütsü; iba dak alia 2019 küm Lok Sabha election agitsü lia Jaitley atema tang tesüsabuba budget benoker asütsü.
Yaküm February 1 nü Union budget benoka liasü, iba den külemi sorkari railway budget temeja benoka aruba inyakyim anenja Union budget den külemi benoka liasü.