Budget senden Jan. 31 nungi tenzüktsü

New Delhi, January 07 (Agencies): Union Budget anogo ka jakdang Parliament Budget senden January 31 nü nungi tenzüktsü tanü lemtetogo.
Tir Pranab Mukherjee-i Rajya Sabha senden January 31 nü ayongzükogo, ta temetetdaktsüba ka ajanga metetdaktsü. Ano kasa temetetdaktsüba ka Lok Sabha secretariat nungia imlar.
Kasa anogo nung Tir, Pranab-i House anaprong sentep senden nung jembitsü.
Taküm küm nungibo railway budget jurila malitsü, saka Union budget nung benoktsü.
State pongu nung assembly election agiba sülen ang budget benoktsü atema opposition party temi akhangba mapang ka nung iba sangdong agutsüogo. Opposition party temi Election Commission nem iba temepishibaji agütsüba sülen EC-i Cabinet Secretary P K Sinha dang sorkar telangzüba agujang ta tuyua liasü.