Bundesliga: Lewandowski-i hat-trick yanglu, Munich teloki takok angu

Berlin, August 27 (Agencies): Robert Lewandowski-i hat-trick yangluba densema, par Bayern Munich teloki goal 6-0 agi Werder Bremen telok madak takok ngua, 2016/17 Bundesliga asayamong tetenzükba asaya yashi, Hokolbar nü asayaogo.
Yaküm asayaba Bundesliga asayamong nung Lewandowski-i par Munich telok tenüng nung goal 30 tashi agüja asayamong nung goal timtiba agütsür asayar naroküm agizüka liasü.
Xabi Alonso-i tetenzükba goal agütsüba sülen Lewandowski-i goal 2 tashi atonga agütsü aser captain, Philipp Lahm-ia goal 1 agüja par telok goal 4-0 agi temaba jenjang nung ajungkettsü.
Tesülen, Franck Ribery-i 5 buba goal agütsüba sülen Lewandowski-i 3 buba aser par telok asoshi 6 buba goal agüja par Munich telok nem takok ngudaktsü.
Defending champions, Munich teloki yaküm asayaba asayamong tetenzükba asaya nunga goal 5-0 agi Hamburg telok madak takok ngua liasü.
Par teloki taküm asayamong takok maroka agizüka, tan agi Bundesliga asayamong takok marok 5  buba atonga agizüker telok akümtsü alizüng yua lir.