Bundesliga: Robert Lewandowski-i otsü tasen yanglur

Berlin, September 23 (Agencies): Bayern Munich teloki tanü Bodbar nü goal 5-1 agi Wolfsburg telok madak takok ngua asayaba Bundesliga asayamong nung Bayern substitute asayar, Robert Lewandowski-i otsü tasen yanglua kanga junga shilem agiogo.
Lewandowski-i tanü minute 9 nung goal 5 tashi agüja Bundesliga asayamong otsüji yanglua liasü.
Wolfsburg winger, Daniel Caligiuri-i asaya tetenzüklen goal 1 agüja par teloki goal 1-0 agi Bayern telok den temaba jenjang ngua alidang Bayern coach, Pep Guardiola-i par midfielder, Thiago Alcantara melena Lewandowski asayadak telungi yok.
Lewandowski-i asayadaki irr minute 6 süir külen par telok asoshi goal 5-ji tebangkatsüsa agüja asaya.
Arishi küm 27 tain Lewandowski-i mezüngbuba goal 3 minute 3 ser second 19 nung agüja tekaraba mapang nung hat-trick yangluba otsüa yanglutet.
Pai minute 5 ser second 42 nung 4 buba aser minute 9 nung 5 buba goal agütsübajia Bundesliga asayamong nung tekaraba mapang nung asayar kati 4 buba aser 5 buba goal agütsür liasü.