Burundi nung lendong ataloktsüba osang bushisüngdangtsü: ICC

United Nations, April 25 (Agencies): Taoba küm 1 tejaklen nungi tenzüka Burundi nung yimtenren ken o tulu adoka tensa mejungi akümba ajanga bener arutsüba lendongtsüdong osang bushisüngdangtsü asoshi United Nations (UN) kübok tentetba International Criminal Court (ICC)-i renemogo.

“Burundi nung nisung tepsetba, nisung rishikangshiba, tetsürtem tashiyim agi taküm raksatsüba aser iba amala ozüng alema maparen inyakba osang angazükogo. Iba amala ozüng alema inyakbaji ICC tashi kübok aiter anungji, kasaji bushisüngdanga aibelener nem ozüngi melaba ama tapet temerenshitsü agütsütsü renemogo,” ta ICC nung Chief Prosecutor, Fatou Bensouda-i metetdaktsü.

Linük temzüngi memela aka, Pierre Nkurunziza-i Burundi Tir menden tasembenren abentsü lemtetba osang 2015 küm April ita sangoktsüba sülen par Burundi nung tensa kanga mejungi akümba osang bushiteta lir.