Bushisüngdangtsü mapang !!!

~ N.Mangyangtemjen Jamir, Advocate, Gauhati High Court.

Asen State linük terenlok maparen tapu balala inyaktsü aser nübor atema tajangzük mapa tem aja-ayanga inyaktsü aterma Centre Sorkari sen aika lemzüktsüa arudagi, aser North East States koba nung Nagaland a dena lir asenokbo funding pattern ji Center shilem 90% aser State shilem 10 % ta agia aruogo. Tongtipangsa tesüiba küm ter tsüngda nung Centre Sorkar-i sen crore merijang aika lemzüktsü saka item sen tuagi asen lima renloktsü aser nübor ajangzüktsü inyakbabo kecha mangur.Anungji item sen-o-tsü koda ketdangsüa amshi itemji bushisüngdantsü mapang tongogo, Aser imlar, Centre sorkar-i item sen lemzüktsüba aser ketdangsübatem züngzünga bushisüngdantsü südi.
Asen State nung Department ajak nung ochi mashi, subokrem, tejak repranga inyakba aser temzüngi memelaba inyaba joko jateta adoker saka item anema ola adoker shinga mali !!! Anungji item ochi mashi, subokrem, tejak repranga inyakba aser temzüngi memelaba inyakertemi bilemer, parnoki inyakbaji shitak, taaktsüka lir. Asen State ya asenok arok ajaki asen otsüla oboula nunger senti zü jenti tokshir nuüktsü agi alangzüker anguba State ka lir, anungji parnok ochimashi inyakertemji tuteta asen sorkar ketdangsüba nungi tim temerenshi temzüngi melaba ama agütsütsüla.Nübortem tajangzük atema kangasa tongtibangtibaji lenmang aser aputem (Roads & Bridges) lir aser iba ya junga alinung dang tanga terenlok mapatem sademsadema inyaka otet.Asen lima lenmang nung senzür Nagaland Gate Dimapur ajangli dang Assam sorkar-i lenmang koda junga yanglua lir ” Ngum südak amai” menoktetta lir!!! Kasaji Mao Gate ajanger bo Manipur sorkar-i koda jangratemtsü anisüngzük lenmang yangertetta lir. Tenem lima, tsünglu tali aruba timtem agi lenmang junga meyanglutetter ta tamalen asen lenir kati metetdaktsüba osang kaket nung kanga dang menünüa azüng. Asen kiyonger, Meghalaya aser asen State na ya kasa tenem lima (Hilly landscape) lir saka Meghalaya sorkari lenmang koda junga topur junga Kotak yimdong mesüka yanglua lir. Guwahati nungi Shillong-i atuba lenmang koda jangratemtsü ka. Aser tsünglu tali aruba ajanga lenmang junga meyanglutetter ta ??? Cherrapungji, Meghalaya nungsa yimti ka, iba yimti ya alima nung tsünglu tesashitiba aruba yimti ka lir,iba yimti nung June ita 15-16,1995 nung tsünglu 2,493 mm mesura 98.15 inches tsünglu sashia arua liasü. Meghalaya sorkar-i bo iba yimti nung lenmang Tiles alem amai yanglua lir. Nubortem tia maka ulura, asen lima terenlok mapa aser nubor ajangzüktsü ketdangsüba mapatem kechiba yamai ” Asangchi, tebu tejangja maliba jabaso kolak amai ” .
Nubortemi metetta alitsü atema ni metetba tongtibang onük kar yamai lemsatepper;
1. Rural Development Department nung 2003 nungi 2014 tashi nung Department Service Rules agi memelai Rural Development Officer/ Block Development Officer/ Asst. Project Officer 34 (semer sur pezü) contract aser deputation nung appoint süa lir. Department Service Rules nung tejangja zülua alibaji kodang item temalen agüja aliba posts tem tazüng adokdir noklang nung 75 % ji NPSC dangi direct recruitment atema yoktsü aser tanüngba 25 % ji departmental promotion agi fill-up asutsü.Surabang 2003 nungi 2014 tashi nung Department-i NPSC dangi item posts ji 16 (terser trok) dang requisition süa lir aser departmental promotion ajanga 18 (terser thi) filled süa lir ta shir, Iba ya par department shidi NO DRD/ESTT/RTI/2008 (pt-1) 604 dated 30.09.2014 ajangaa kuli tejangja nguteta lir.Anungji nübortemi bushisüngdanga inyaktsübaji item Rural Development Officer/ Block Development Officer/ Asst. Project Officer 34 (semer sur pezü) contract aser deputation nung appoint süa alibaji Service Rules-i melaba ama 75 % NPSC dangi yoktsüla aser 25 % ji departmental promotion ajanga fill up asutsüla. Iba atema nübor temeten bushir kari Chief Justice, Gauhati High Court dangi shidi ka zülu nung asadong tajung ka asutsü ta bilemer. Ano RD department nungsa NREGA sen crore meyirijang aika Centre Sorkar-i yok aser item ji koda kedangsüa amshi, item ji bushisüngdangtsü ji nübor temeten masü noo ?
(Maneni asüng adok nung…)