Business Association of Nagas-i Prodigal’s Home semdang

Dimapur, August 17 (TYO) : Business Association of Nagas (BAN)-i August 15, 2016 nü Prodigals Home semdanga idakji alirtem den Independence Day benjung amung.
Dimapur district administration-i lemzüktsüba ama BAN President Thungbemo Mury, VP Akum Jamir, General Secretary Dr. Khekugha Muru, Executive Council members- Chiru Thuzu aser Dr. Yan Murru aser Office Executive Miss. Petekhrienuo nungertemi anir Independence Day benjung amung.
Iba sentong nung Prodigal’s home Councilor-i parnok indang osang metetdaktsü aser Thungbemo Murry o Dr. Khekugha Muru nati tayongzükba o jembi.
Executive Council Member & Director Pinnacle Skills, Dr. Yan-i Prodigal’s Home nung alirtem dang pei sasa inyaka liyonga aotsü atema skills metettsü ayongzük aser pai sempet alir nem skill training aser employment agütsütsü ta nangzük.
Iba anogo nung BAN-i bed sheet 30 aser stationeries den chiyungtsütem agütsü.