Buttermilk ajemba tajangzük

Mei mapa India nung Chaas ta ajaba, Buttermilk ajemba ajanga asen temang kanga mokonga kümdaktsür. Iba tajemtsü nung vitamin aser mineral aika dena aliba ajanga temang nung nüngdakba teyari aika agütsür.
Kechiba buttermilk ajemba ya junger ta süra…
1.    Buttermilk nung nashi mamatzü dang nungi temo tajemba lir aser ibaji ajanga temulungjang nung teyari kanga agütsür.
2.    Buttermilk nung aliba protein ya balaka lir aser iba jagi high blood pressure ajema kümdaktsüba den cholesterol jenjang shitak lidaktsür.
3.    Iba tajemtsü ya tanga süngo dang nungi temokongba lir. Temo aliba chiyungtsü chia jemer külen tar telung nung temo aliba buttermilk agi shitoktsür.
4.    Buttermilk agi temang touzük ajema kümdaktsüba nung yarir kechiba süra iba ya ajemba ajanga asenok mapang talanglang tepok sünga lidaktsür.
5.    Buttermilk agi tepok nung chiyungtsü menüngsaa moi alibatem intoktsür aser tar nung gas aliba odaktsür.
6.    Iba tajemtsü ya asenok teküp asoshi kanga junger kechiba süra yangi ‘Alpha Hydroxy Acid’ keta lir aser iba jagi asen teküp sangwa sangwa lidaktsür.
7.    Buttermilk teti ajemba ajanga temang atsükba ajema kümdaktsüba den külemi tzüratsüpong kanga mesüdaktsür.
8.    Buttermilk agi asen teret tashi itdaktsür kechiba süra yangi calcium peria lir saka mamatzü dang nungibo temo tajemba keta lir.
Source : Internet