BWF Super Series Finals: Axelsen o Okuhara na final-i iogo

Dubai, December 12 (Agencies): Tebur aser tetsür world singles champion, Chen Long aser Carolina Marin napronglai tanü semifinal nung tamakok ajurua tang tasayadak BWF Super Series Finals badminton asayamong nung joko shilem magitettsüsa jenjang tamajung ajuruogo.
Tebur World No. 6, Denmark nunger Viktor Axelsen-i tanü points 21-12, 21-17 ngua China nunger Chen madak takok ngua final asayatsü jenjang angu.
Taküm küm tsüngda Super Series takok marok 7 tashi agizüksang, Chen-i taküm küm tenzüker tanü tashi nung tan mezüngbuba tamakok ajurur lir.
Tetsür shilem nunga, Japan tsür Nozomi Okuhara-i tanü points 21-11, 21-12 ngua Spain tsür Carolina-a tsükdakja final-i ai.
Axelsen-i külem sensopur, Jan Jorgensen aser Japan nunger Kento Momota na rong nung takok angur den asüng, Deobar nü final asayatsü.
Okuhara-ia China tsür Wang Yihan den final nung ajuruteptsü.
Ano külen, Britain’er apuani, Chris o Gabby Adcock nati tanü points 21-17, 22-20 ngua Indonesia asayar, Praveen Jordan o Debby Susanto na madak takok anguba sülen mixed doubles shilem final asayatsü jenjang nguogo.
Tenati Korea asayar, Ko Sung Hyun aser Kim Ha Na na den asüng final asayatsü.