Byelection Candidate rongnung takartisangji Lal Thanzara lir

Aizawl, November 07 (Agencies): Tesüiba mapang health minister aser chief minister Lal Thanhawla’er adianu, Lal Thanzara ya tan Aizawl North III constituency, byelection nung tokteptsü aliba candidate asem rongnung takartisang lir. Pa ket nung aliba rongsen sen lakh 90 alang lir.
Aizawl North III constituency den külemi state pezü nung assembly menden pongu atema aser Madhya Pradesh o Telangana na nung Lok Sabha menden ana asoshi November 21, 2015 nü election agitsü.
Byelection atema Returning Officer nem affidavit agütsüba nung Lal Thanzara-i, pa ket nung sen lakh 7 aser tebütsü ket nung lakh 2 lir, ta shia lir. Iba den külemi pa bank deposits ajak agi sen lakh 45.46 aser tebutsü indang bank deposits ajak agi sen 20.15 lir. Pa meyong tanga rongsen (moveable assets) ajak agi sen 72,05,891.75 alang shi lir.
Ano state nung pa meyong alu aser kimunglumong (immoveable assets) ajak senteper sen 92,05,892.75 alang lir.
Affidavit nungsa Lal Thanzara -i, 2013 küm assembly election mapang pa ket nung rongsen sen 2,76,27,534 alang liasü, ta shia lir.