C-Edge College Fresher’s Week tembangogo

Dimapur, Chiteni/July 06 (TYO): C-Edge College Fresher’s Week agia aruba sülen tanü college auditorium nung tatembangbuba sentong agia tembangogo.
Kaketshir tasenpurtem atema hopta ka piyong sentong ya grooming session on basic etiquettes, parameters aser standards agi tenzüka liasü, iba sülen introductory round, ethnic fusion round, talent round aser question answer round agia liasü.
Taküm küm Mr & Ms Freshers 2018 ji BBA I Semester nungi D. Esther Sonar aser BA I Semester nungi Anguka N. Achumi na liasü, aser Runners Up ji BBA I Semester nungi Yukholi Sangtam aser BA semester I nungi Imnaienla Longkumer na liasü. Iba dak alia sempet aser creativity (ethnic fusion attire) nung ajemdaker subtitle winners-a liasü.
Freshers Week tatembangbuba sentongji college EU President, Vilivi M Chophy-i sarasadema tenzük, iba sülen Principal, Dr. Chubatola Aier-i pela agizükba o jembi. Lai C-Edge nung tasenpurtem dang college omen ‘Aspire’ ama alitsü aser jenjang tajungtiba alangzüktsü ayongzüka liasü.
College President, Er. Moa Aier-i ketdangsüa tasenpurtemi tenangzükba agia liasü aser Evangelical Union (EU) teloki ‘choreography’ ka ai.
Taküm Seniors tenüng nung Imchakumla Longkumer (BBA III semester) aser Freshers tenüng nung Anguka N Achumi (BA I semester) nati o jembia liasü aser Academic Dean, Daisy Shitio-i tenüngsang agütsüba den awards lema agutsü. Ano sentong nungsa M.S Ramanathan Award for EVS topper sempet Abhigail Hengkong (BBA V Semester) nem agutsü.
HoD of English, Meyatemsu-i tepela anküp o jembi aser Assistant Professor, Nokchachila-i sarasadema iba sentong tembang.