C-Edge College NSS-i Special Camp ayongzük

Dimapur, Mongputeni/October 28 (TYO): C-Edge College NSS team-i ayongzüka New Showuba nung parnoki adopt sür aliba yimtsüng; Loyir yimtsüng nung October 25 nungi 27 tashi Special Camp ka kaogo. College NSS Nodal Officer Ikaito aser Camp Director, Kumrila, Assistant Professor of Education Department den kaketshir 15 iba camp nung dena liasü.
Camp nung special presentation aser sensaksem sentong balala ayongzüka agiogo. Sentong nung Bethel Baptist School, Head Master, Jangpuh Kihomong-i 3Rs – Reduce, Reuse, aser Recycle onük nung ajemdaker jembi. Kasa mapang nung Dr.Nepuni Athikho, senior consultant – palliative care and family medicine, CIHSR-i Palliative care onük nung ajemdaker jembi aser CIHSR nungisa Inaholi-i Mental Health ken o dak sendakba nung jembia liasü.
Social activity nung shilem ka ama NSS volunteer temi yimtsü nung aliba Orphanage ka semdang kong parnoki süngtong temja liasü. Maneni camp akaba tesem nunga parnok süntong temtsüogo.
Anogo ana camp amungba mapang volunteer tem atema life skills dak sendakba nung sentong ka achaayanga katsü. Maneni camp nung shilem ka ama C-Edge College kaketshirtem aser Loyir yimtsüng nung lanurtem tsüngda volleyball match ka asayaa liasü.