C Edge College nung Commencement Day amung

Dimapur, March 19 (TYO) : March 18, 2016 nü C Edge College Graduating Class of 2016 atema 2 buba Commencement Day sentong ayongzüka agi.
Iba sentong nung Commissioner of Taxes, Asangba Chuba, IAS-i Commencement Speaker ama shilem agi.
Asangba Chuba-i kaketshirtem ayongzüka jembidang pa taküm nung ajangshia arubatem indang metetdaktsü.
Pai kaketshirtem dang ‘3D’s- determination, dedication & discipline’ indang teratet agütsü aser item hadir asem ajanga nisung kati takok angur, ta shisem.
Sentong nung Asangba Chuba-isa Yearbook for the Class of 2016 sayatsü aser Naga United Village Ao Baptist Arogo Sannüker Satem Lemtur-i sarasadem.
C Edge College Principal, Dr. Chubatola Aier-i ketdangsüa VI Semester BA, Ashiirhii Athia nem taküm Champion Star Attendance Award agütsü aser ano Star Attendance Award o Laurel Award angurtem indang tenüng metetdaktsü.
Sentong nung College President, Er. Moa Aier-i tesentepertem pela agizükba den Pledge of Allegiance ketdangsüa agi aser Academic Dean, Ms. Daisy Shitio-i Graduating Student tenüngtem zünga metetdaktsü.
Tanü agiba sentongji II Semester BA nungi Achila Yimchunger-i len ania agi aser Student Representative Speaker temji- IV Semester BA nungi Vesatalu Vero aser VI Semester BA nungi Silenthong na liasü. Sentong nung Assistant Professor Ms. Alice Donna-i anküp tepela o jembi.