C-Edge College nung IGNOU Study Centre lapokogo

Dimapur, March 17 (TYO): March 16, 2016 nü C-Edge College, Dimapur nung IGNOU Study Centre lapokogo aser sentong nung o jembiri Dr. N. Tiameren Ao, Associate Professor & Head, SASRD, NU liasü.
Iba sentong nung Dr. N Tiameren Ao-i shisaliok koda tongtibang iba onük nung jembi aser mera tasen atema college nem tenüngsang agütsü.
Iba sentong nung C-Edge College Principal, Dr. Chubatola Aier-i lokti pela agizük.
IGNOU, Kohima Regional Director, Dr. T. Iralu-i IGNOU aser iba course tem indang tejangja metetdaktsüba den achievements, evaluation system aser IGNOU nung alibatem indang presentation ka agütsü.
Sentong nungsa C-Edge College BA IInd Semester kaketshirtemi ken ka aten aser C-Edge College IGNOU Co-Ordinator, Miss Aloli H Kinny-i melepzüng o jembia sarasadema sentong tembang.