C-Edge College nung Interactive Lecture agiogo

Dimapur, Aenjeti/January 17, 2020 (TYO): C-Edge College nung January 17, 2020 Hokolbarnü Department of History aser Political Science longjemer interactive lecture sentong ka ayongzüka agiogo. Iba sentong nung Mr. Matthew Wilkinson tongti lecture ama aruagi dena liasü.
Iba lecture sentong ya ‘Frontier and Nagaland’ onük nung ajemdaker agi, kong pai ‘Frontier and Nagaland’ ajanga loktiliba nung kongshiba aser yimjung telatetba indang kaketshirtem dang metetdaktsütsü.
Wilkinson ya University of New South Wales, Australia nungi Research Scholar ka lir, shiba tang ‘Men at the Margins: Patriarchy and Post-Conflict at the Indo-Burmese Frontier’ nung ajemdaker PhD tagidak lir.
Nüngtugu onüktem talisa ‘local politics of development’, ‘academic literacies’, ‘tactical counter terrorism’, ‘international relations’ aser ‘terrorist networks and operations’ nung Wilkinson-i Academic Tutor ka ama jembiogo.
University of New South Wales nung Wilkinson ya research lenir ka aser freelance editor ka lir.