C-Edge College Wi-Fi Campus ka kümogo

Dimapur, May 12 (TYO): Tanü C-Edge College, Dimapur nung JIO Wi-Fi connection agia Wi-FI campus ka kümogo.
Assistant Prof., Wapangla Imchen-i okila jembia liasü aser Assistant Prof., Limongi Khuvung-i sarasadema liasü.
Iba sentong nung tetushi tejaoker, Lead HNI (High Network Individual) North East JIO Guwahati, Saranga Patowary-i college nung Wi-Fi campus semzüktsü.
Iba sentong nung jembidang pai, India nung sorkar school aser college tem nung internet conection agitsütsüji Mukesh Ambani mangdang lir, ta metetdaktsü.
Paisa, angati Wi-Fi connection atema shimba college ishika rongnung C-Edge College densemogo, ta metetdaktsü.
College Tir, Er. Moa Aier-i Jio team dang college atema mapa tajung inyakja Wi-Fi campus ka kümdaktsüba atema pelaba lemsatep.
Iba sentong nung kaketshirtem, tesayurtem aser JIO team züngsem kar dena liasü. Sentong nung shisalen sayur, Manager JIO Nagaland, George Murry-i anir shisalemsatepba sentong ka agia iba sentong tembanga liasü.