C.L. John-i Tehok Hydro Electric Project lapoktsüogo

Dimapur, January 30 (TYO) :  January 29, 2016 nü Minister of RD & REPA, C.L John-i Secretary Power, K.I. Yanger IAS aser Chief Engineer Power, Er. K. Miachieo na lia 2×500 KW Tehok Hydro Electric Project official süa lapoktsüogo.
2×500 KW Tehok Hydro Electric Project nungi adokba power ji 11 KV line ajanga belenshitsü. Iba plant ajanga mongpu aser mongpu masüdang adokba power ajak liro medema amshitettsü asoshi grid supply inyakyim nung amendaker lemsatsü. Iba project tenzükba sülen iba tesem power supply nung temelenshi agütsü.
Project lapoktsüba mapang tongti tesemdangeri project Convener, acha ayangertem aser power department puri amalitepa aser tangatettep nung iba project takok ngudaktsüba asoshi tenüngsang agütsü aser ano tarutsü nung iba kol junga amshiba ajanga tajangzük angutsü asoshi Department-i maneni nungitsü ajungshi.
Power Department nung Chief Engineer, Er. K. Machieo-i, Tehok Hydro Electric Project ya centre inyakyim dak ajemdaker state atema nüngdakba electricity line tila ka anguba project ka lir, ta ashi.
Iba project tenüng ya Tehok ayong tenüng amshia Tehok Hydro Electric project ta aja.
Iba sentong nung project Convenor Land owner welfare society, W. Chennyiem Konyak-ia o tatsüka jembi.
Secretary, Power, K.I. Yanger IAS-i sentong ani aser Chenmoho Baptish Church choir-i ken ka aten. Iba den külemi Chenwetnyu yimtak aliba jemji apur telokia shilem agi aser Er. Vitoshe Rochill, SE (Civil)-i tepela o ashi.

You must be logged in to post a comment Login