C5 ajanga Mokokchung nung Khristmas tanela akasodaktsü

Dimapur, December 21 (TYO): Kümshia agiba 28buba Children’s Christmas Cake Carol Competitions nung Mokokchung Town Ao Baptist Church nung youth fellowship 9 nungi tanur 500 dak temai shilem agiogo.
Mokokchiug jila tiyong nung ayongzükba sentong nung nisung merirjang aika adenshia liasü, aser iba sentong nung Clark Theological College Principal, Rev. Dr. Mar Pongener-i iba sentong omen ‘Lowly in a manger’ nungi jembia liasü.
Iba tetoktepba sentong ya Arenla Lemtur-i ketdangsüa agi aser Chapangmayim, United Christian Fellowship aser Meyu & Akum nungeria shilem agi.
28buba Children’s Christmas Cake Carol Competitions nung Aongza Youth Fellowship-i takok angu aser tanabuba o tasembuba jenjang nung Tongdentsuyong Youth Fellowship aser A&D Youth Fellowship nati takok angu.
C5 ya MTBA youth Department-i Mokokchung jila tiyongtsü nung ayonga agiba Khristmas sentong ka lir.