CAB anema BJP lennir Debbarma-i party toktsü

Agartala, January 29 (Agencies): Northeast India nung Citizenship Amendment Bill 2016 anema noktakba mapang ka nung Tripura nungi BJP lennir Rajeshwar Debbarma-i iba onük atema party toktsüogo.
“BJP-i aniba NDA sorkari kin lemsar mapa inyakba yimjak nung sayuogo. Tripura nung lisopurtem asoshi mebilemtsür ta sayua parnoki Lok Sabha nung Citizenship Amendment Bill agizükogo” ta Debbarma-i shidi züluba nung shia lir.
January 8 nü Tripura nung mepetmesü adokba ajanga ni party toktsür aser tang state sorkari lisopurtem kümzüka meyutetba atema jashir, ta paisa ashi.
“Ni Citizenship Bill tebilemtsü atema ola madoki meliteter kechiyong sorkar menden dang nungi mezüngji ozü nübortem aser kü state lir” ta Debbarma-isa shisem.
Tan ita tetenzüklen Assam nunga Asom Gana Parishad (AGP)-i kasa bill anema BJP den tesentaktep pilaa liasü.