CAB anema lungkak aitba atema Assam CM Delhi-i ogo

Guwahati, November 6 (Agencies): All Assam Students’ Union (AASU) dena telok balalai Citizenship (Amendment) Bill anema lungkak aittsü tenzükba ajanga Assam chief minister Sarbananda Sonowal yashi Delhi-i ogo.
Sonowal-i Prime Minister Narendra Modi den CAB onük den külemi NSCN (IM) aser India sorkar tsüngda olemtep aliba indang jembitsü.
Assam nung telok balalai Hombar nungi CAB anema lungkak aittsü tenzükogo. AASU, Krishak Mukti Sangram Samiti (KMSS) aser tanga telok aikati house to house campaign tenzüktsü ta amokmerenogo.
Naga yimten ken o jembiba anema Assam nung lungkak aitba kecha balaka majurui dang arur saka Assam kübok Naga nunger aliba tesemtem nung non-Naga nungertem temulung mesüngjemteti arur.
Asam kübok Dima Hasao aser Karbi Anglong district tem nung Naga nunger lir aser idaki alirtemi India sorkari NSCN (IM) den olemtep aliba nung temulung malemer.