Cabinet-i HIV/AIDS amendment Bill agizükogo

New Delhi, October 05 (Agencies): Tanü sorkari ozüng ka yanglutsü atema draft bill ka agizükogo, anungji kobi melii HIV aser AIDS agi shirangertem sendoka züngshira küm ana tashi tepoukdak ayutsü aser sen lakh 1 tashi senchi achitsü.
Iba draft ozüng ajanga AIDS agi shirangertem aser HIV mesen keta alirtem kümzüka ayutsü aser parnok ama sentokertem anema temerenshi agütsütsü benoker.
Union Cabinet-i ‘The HIV and AIDS Bill, 2014’ yanglushibaji agizükogo, aser iba ozüng tasenba kübok shirnoki HIV AIDS agi shirangertem mapa, shisaliok rejutem, health care services  talidak amala nung sentoka züngshidir parnok ita asem nungi küm ana tashi tepoukdak ayutsü aser senchi lakh 1 tashi achitsü.
Union Health Minister, J P Nadda-i, iba bill ajanga state aser Centre sorkari Antiretroviral Therapy (ART) akokba tashi agütsütsü tuyur, ta metetdaktsü.