Cabinet senden nung mobile phone memelar

New Delhi, October 22 (Agencies): Communication osettem ajanga osangtsüsang prokba nokdangtsü nükjidong nung Cabinet sendentem nung mobile phone mabentsü atema Union Minister tem dang metetdaktsüogo.
Tawa Cabinet Secretariat-i Union minister tem nija secretary tem dang iba telemtetbaji metetdaktsüogo.
Iba temetetdaktsüba nungji, “Tang nungibo Cabinet/Cabinet Committee tem senden aliba tesemtem nung smartphones mesüra mobile phones memelatsü atema telemtetba agiogo,” ta shia lir.
Nija secretary tem dang iba telemtetbaji minister tem dang metetdakjang ta metetdaktsüogo.
Mobile phone tem ‘hack’ asüba ajanga security agency temi tebilemtsü benokba sülen iba telemtetba agiogo.
Ketdangsertem osang ajanga ashiba agi, iba telemtetba ajanga cabinet sendentem nung tongtibang onüktem nung o lemtepbaji miima yutettsü.
Tang mezüng sorkari iba telemtetba agir asütsü.
Tamalen cabinet sendentem nung minister-i mobile phones abentsü melaa liasü, aser ibaji silent mode mesüra switch off sür ayu.