Cabinet senden nung telemtetba aika agi; DAN nungi IDAN ta melener

Dimapur, Aami (June) 6 (TYO): June 5, 2018 nü Nagaland State Cabinet senden ka amendang Nagaland Investment and Development Authority (NIDA) tentettsüba indang telemtetba benoka olemtep aser Investment and Development Authority Nagaland (IDAN) ta tenüng melentsü mulunga agizük.
Citizenship Amendment Bill benoka olemtepdang, Nagaland ya Arrla 371(A) aser ILP Regulations ajanga kümzüka lir, ajisüaka iba bill ya Naga nunger taginüba anema yanglura Nagaland sorkari bill magizüktsü aser India sorkar den jembitsü ta cabinet-i telemtetba agi.
May 11, 2018 nü Kohima nung Political Affairs Committee-i Tribal Hoho tem den senden amenba atema Cabinet Secretary-i Nagaland Legislative Assembly dangi Joint Legislators’ Forum tentetshitsü atema shidi ka zülutsü tetuyuba agütsütsü lemtet.
Cabinet-isa Statehood Day December 1 nü Secretariat Plaza nung amungtsü aser December 1 anüngdang Hornbill Festival tenzüktsü atema telemtetba agi.
Mini Hornbill nung Garo, Kachari aser Kuki kintem dendaktsütsü aser Dimapur District atema Naga Council Dimapur-i Deputy Commissioner aser kin teloktem den asüngdangyar külem sentong ka ayonga amungtsü atema Cabinet-isa telemtetba agi.
Cabinet-i April 16, 2018 nü lemtetba ama Mini Hornbill ji District tem nung amungtsü atema parnokisa metetdaktsü.
March 8, 2018 nü Indira Gandhi Stadium nungi Dr. T. Ao Stadium ta tenüng melentsü lemtetba onük benoka olemtep aser tatem nung Cabinet-i iba telemtetba meyipa agitsü lemtet.
Cabinet-isa Forest Department aser Geology & Mining Department-i minor minerals atema royalty collection agiba onük reprangshimtsü atema luden ka tentettsü telemtetba agi.
Luden nung züngsemtem:
(i) Sentiyanger Imchen IAS, Prin. Sec, Municipal Affairs & Dev. Commr – Chairman
(ii) Prin. Secy, Environment, Forest and CC – Member
(iii) Commr & Secy, Geology & Mining – Member
(iv)PCCF,Nagaland – Member
(v) Director,Geology & Mining,Nagaland – Member
(vi) Secretary, Law & Justice Department – Member
Advocate General, Nagaland-i Cabinet dang Supreme Court aser High Court nung ken o tem benoka aliba osang metetdaktsü aser idangji Women Reservation onük reprangshimtsü atema Ministerial Committee ka tentettsü lemtet aser parnoki Kin hohotem den ajurutepa tebilemba lemsateptsü.
Ministerial Committee:
(i) G. Kaito Aye, Minister – Convener
(ii) CM Chang, Minister  – Member
(iii) Neiba Kronu, Minister  – Member
(iv) P. Paiwang Konyak, Minister  – Member
(v) Jacob Zhimomi, Minister  – Member
(vi) Mmhonlumo Kikon, Advisor  – Member