Cachar district nung alir nisung 38 bendanger ta jangjaogo

Silchar, November 07 (Agencies) : Cachar district balala nung aliba nisung 38-i foreigners’ tribunal dang parnok India nunger ta sayutsü atema nüngdakba küli tejangja mesayutetba ajanga parnok bendanger lir ta metetdaktsüogo, ta Deobarnü ketdangser tain kati ashi.
Item nisung 38 ya Jirighat, Udharband, Thaligram, Lakhipur, Dhalcherra, Harincherra, Lalongpar, Borkhola aser Silchar jila kübok Tarapur New Colony nung alirtem lir.
SP (border)-i tribunal-i agütsüba osang aser parnok nisung 38 tenüngtem zülur shidi ka Hokolbarnü DC (Cachar) dangi yokogo
District administration dangi yokba shidi nungji, iba mapa inyakba sorkar department dang item bendanger 38 tenüngtemji electrol roll, ration cards, driving licenses aser job cards nungi intoktsü shiang ta zülua lir.
Par 38 rongnungi nisung 10-ibo tribunal-i parnok anema inyakba kecha memetet liasü ta ashi.
State nung Bengal nunger timba sür aliba Barak Valley tesem nung bendanger putettsü maparen tenzükba ajanga nisung telok balala atema tebilemtsü bener arutsür, ta osang kar ajanga metetdaktsü.