‘Cafe Society’ film ajanga Cannes film festival lapoktsü

March 30, 2016: Film director, Woody Allen indang film tasenba, ‘Cafe Society’ ajanga May 11 nü 69buba Cannes film festival lapoktsü; iba film nung Kristen Stewart aser Jesse Eisenberg nation tongti shilem agia lir.

Iba ya Allen asoshi asembenbuba asütsü, kechiyong 2002 küm pa indang film ‘Hollywood Ending’ aser 2011 küm ‘Midnight in Paris’ ajanga Cannes festival lapoka liasü.

Iba film ya France nung sayatsü aser iba ya screening anogo den kasa mapang asütsü.

Iba film otsü nung, 1930s mapang nung asangur ka film industry nung inyaktsü atema Hollywood-i aruba sülen tetsür den meimteper.

Stewart aser Eisenberg dak alia Blake Lively, Parker Posey aser Steve Carell nungeria film nung shielm agia lir.

1979 küm ‘Manhattan’ nungi 2015 küm ‘Irrational Man’ tashi Allen atema Cannes nung iba ya 14benbuba tetoktepba nung madener.

Tesüiba küm 40 tashi film yanglur Allen-i 1970s mapang nungi küm shia film kaka yanglua arur. Allen ya jazz clarinetist kongki apur ka lir.

Pai kanga junga direct asüba film rongnung ‘Annie Hall,’ ‘Hannah and Her Sisters,’ ‘Manhattan,’ ‘Match Point,’ ‘Take the Money and Run,’ ‘Vicky Cristina Barcelona’ aser ‘Midnight in Paris’ densema lir.

Cannes film festival ya May 11 nungi 22 nü tashi akatsü.