Cairo train-truck lendong nung 7 asü

Cairo, January 31 (Agencies): Deobarnü Egypt yimtiba Cairo nung truck kati train dak atsükba lendong nung tajemba agi nisung 7 asü aser 3 yirur lir, ta osangbenertemi ashi.
Ayat district nung train süitsü atema lenmang nokdaker aliba iba truck gari yagi tsükpoka ia iba lendong atalok, ta Xinhua news agencies ajanga metettdaktsü.
Truck agi train dak atsükba sülen train jibo maneni ao, ta osang ajanga ashi.
Egypt nung aliba mongintemi ashiba agi, iba lendong ya railway network majungba aser anepalu maliba ajanga atalok.
November 2014 nunga Cairo anasa train kati mini-bus aser truck gari ka dak atsükdang tajemba agi nisung 27 asü aser 32 yiru.

You must be logged in to post a comment Login