Caitlyn Jenner-i ‘Transgender Champion Award’ angu

Los Angeles, November 11 (Agencies): Glamour-i ayongzüka agiba ‘2015 Women of the Year Awards’ nung Reality TV shilem agir Caitlyn Jenner-i Transgender Champion award agizükogo.
Arishi küm 66 tain Caitlyn dang la tetsür ama memelendang Bruce ta jaa liasü, aser lai sempet agizükdang lar kibong nem tenüngsang agütsü, ta femalefirst.co.uk osang ajanga metetdaktsü.
“Ni kanga tia taka, kechiyong ozü kibong kanga tajung lir. Parnok shingaia ni mesentoki nungita yarir,” ta laisa ashi.
“Tetsür-tebur onük dangi kodang arudir, iba taktang nung alirtem ajak ya ainlen senzür ka ka lir. Asenoki anogoshia angazüker, meimchir ama inloker, asen indang meteta arur, saka kodang tetsür-tebur indang jembidir telung nung terata tulu lir,” ta Caitlyn-isa metetdaktsü.
Caitlyn tebur nungi tetsür akümtsüba indang onük lai lar tanur ajak dang rasa-a ashi. “Ni parnok dang ibai kü otsü, iba ya ni ta ashi,” ta laisa shisem.
“Ni kü pastor den sensaksem, pa dang kü khurettem lemsatep aser Tsüngrem den-a aiben jembiogo. Tsüngremi iba ya atema ni alimai yok asütsü akok ta tatem nung ni angatet” ta Caitlyn-isa metetdaktsü.