California nung jakrep ana küm balala nung aso

San Diego, Jan 3 (Agencies): US kübok San Diego nung jakrep ana asoba osang kanga belenshidar, kechiyong tena minute ishika tetsüngda nung dang soaka, ka indang tasoba anogoji 2015 küm aser ka indang anogoji 2016 küm lir.
Jakrep ana rongnung Jaelyn Valenica ji December 31, 2015 aonung 11:59 ako nung aso aser la tenu Luis Valencia Jr. ji January 1, 2016 anepdang 12:01 ako nung aso.
Shitakba agibo tanurtemji January ita tatemlen asotsüba liasü saka tetsüpok nung tanur ka tim masübalen aliba puteta San Diego Kaiser Permanente Zion Medical Center nung doctor temi jakrepji sotsü, ta KGTV-TV osang ajanga ashi.
Jakrep tebu Luis Valencia-i osangbener dang ashiba agi tanur tajung anaji Küm Tasen temoatsü lir.