Camera 4 aketba Huawei Y9 (2018) sayaogo

Metsüremi 12, 2018 (Agencies): Huawei Mate 10 Pro aser Honow 9 Lite den anidaktepa Huawei company puri Huawei Y9 (2018) ta nüngja agütsür smartphone tasen ka sayaogo. Iba Huawei phone tasenba ya Thailand nungbo sayaogo saka tang tashi nung kodang nungi shishilembadak angutsü aser sen jenjang kwi asütsü, ajibo mejangja. Osang ajanga ashiba agi, iba phone ya Euro 200 (sen 16,000) yong angutsü südi.
Huawei Y9 (2018) specifications tsütsü reprangdangra iba phone nung Kirin 659 SoC den eight cores aser 2.3GHz keta lir. Iba smartphone nung 3GB RAM aser 32GB storage keta lir koba 256GB tashi atsülanga amshitettsü. Huawei Y9 (2018) indang operating system ji Android 8.0 Oreo-based EMUI 8.0 alitsü. Maneni iba smartphone nung 5.93-inch FullView display den Full HD+ (2160×1080 pixels) resolution aser aspect ratio 18:9 keta aliba angutsü.
Honor 9 Lite den mesüktepa Huawei Y9 nung tesülen aser tejaklen anaprongla nung dual camera setup keta lir. Tesülen 16-megapixel primary lens den 2-megapixel secondary sensor ka keta lir aser tejaklen 13-megapixel primary sensor den 2-megapixel secondary sensor ka keta aliba angutsü.
Connectivity tsütsü Huawei Y9 (2018) nung dual-SIM support, Wi-Fi aser Bluetooth keta lir. Iba smartphone nung battery tashiji 4000 mAh alitsü aser phone tozük gram 170 asütsü.
Huawei Y9 (2018) ya Black, Blue aser Gold sentsü nung angutsü.
Ajisüaka Huawei puri tang tashi nung iba phone ya Thailand dak alaka tanga shishilembadak sayatsü asü mesayatsür kecha osang agüja mali. Parnoki iba phone ya tangalen mesayara kecha tesasatsü mali kechiyong iba device ya Honor 9 Lite den kanga mesüktepa lir.