Canada nung alir India nunger ana jet-ski tsüoka asü

Toronto, Aug 29 (Agencies): Canada nung alir India nunger business mapa inyaker ana jet-ski nung tsüoka süogo, ta Hoinibar nü media-i metetdaktsü.
Brihotibar nü Fraser ayongküm len tasümang ana lir ta rong nung tanishir kati metetdaktsüba sülen kümzükba mapa inyakertem iba tesem jagi oa aser tasür anaji realtor-builder Salinder Burmy aser Ramanjit “Bunty” Bachra na lir ta jangjaa liasü, ta Link osang kaket ajanga metetdaktsü.
Arishi küm 50 shi tain, tasür ana ya tzü nungi atsütetdang yongi sür liasü ta Richmond Royal Canadian Mounted Police ajanga metetdaktsü.
Tenaprong tekolak nung yiruba züpu keta liasü aser tena anasa jet ski-a liasü, ta police-i ashi.
Police-i ashiba agi, tena jet ski tsüokbaji kanga kara amshiba aser tsüngpret tesashi ajanga alitsü akok.
Burmy yabo Presidio Land Development Corp nung president aser CEO teinyakdak lir ta jangjaogo, ta media ajangsa ashi.