Canada nung alir India nunger ka nem court-i $11,360 agütsütsü latettsü

Toronto, August 29 (Agencies):Canada nung alir India nunger activist ka police ketdangser anati tai maket ser nung apuba atema temonok Canada sen dollar 15,000 (US, $11,360) agütsütsü Canada court ka ajanga latettsüogo, ta media-i metetdaktsü.
Montreal nung alir, activist, Jaggi Singh-i police ketdangser Frederic Mercier aser George Lamirande nati 2007 March ita nung pa International Women’s Day rally nung metentettsüsa pua ayuba anema case benoka liasü, aser iba shidi nung pa pongu nü pua ayuba atema temonok Canada sen dollar 25,000 (US, $18,900), pa maksütsüba atema temonok Canada sen dollar 12,000 (US, $9,000), aser pa mezüngmeshiba atema temonok Canada sen dollar 45,000 (US, $34,000) meshia zülua liasü, ta CBS News online ajanga metetdaktsü.
“2007 küm March ita nung anogo pongu nü tashi pua ayuba ajanga Singh temeten mezüngmeshiogo aser ibaji atema constable Frederic Mercier aser constable George Lamirande nati tomonok Canada sen dollar 15,000 (US, $11,360) agütsütsüla,” ta Quebec Superior Court Judge Micheline Perrault-i tan hopta to obendang agütsüogo.
Police ketdangser ana jagi, rally nung shilem agirtemi parnok mezüngmeshia o tamajungsa ayimloktsü, ta ashi.
Singh ya iba ama mepetmesü adokba tesem nung madentsü asoshi tenokdangba agütsür liasü saka pa liasüba ajanga onoki apu, ta police ana jagi parnok metentsü asoshi shia liasü.