Canada nunger ana Pokemon Go asayadang US telungi ai

New Delhi, July 24 (Agencies): Tawa sayaba Pokemon Go game ajanga US arrtsü nung mangatettep ka adokogo.
Canada nunger tebur chanu ana reality game, Pokemon Go asayadang US-Canada arrtsü adena ai aser tena US ketdangsertemi apu.
Tanur ana jagi memeteti US-Canada arrtsü adena ai aser US Border Patrol agents-i tena apu. Tena phone nung Pokemon Go asayadang ibaji atalok aser ozüng alema arrtsü adena ait, ta ketdangsertemi metetdaktsü.
Pokemon Go asayadang tena Canada kübok Alberta nungi Montana, US atong, ta Department of Homeland Security kübok US Customs and Border Protection agency-i sangdong ka nung metetdaktsü.
Tebur chanu ana jagi memeteti arrtsü adena aitba liasü ta Border Patrol agents-i khen nung metetadok, ta sangdong nungsa shia lir.
Taoba hopta nunga tetsür ka Pokemon Go asayadang leper ka nung aliba süngdongi tur malutet.
Ano, Guatemala nunga tebur chanu ka par kinunger ka den Pokemon Go asayadang nisung kari kahset.