Canada Open: Jayaram o Prannoy na 3 buba round tongogo

Calgary, June 30 (Agencies): India nunger badminton asayar, Ajay Jayaram aser H.S. Prannoy nati pei asaya koka tang tasayadak Canada Open Grand Prix 3 buba round asayatsü jenjang tanü, Brehostibar nü ajangzükogo.
Tan asayamong nung temaba jenjang abener, Jayaram-i tanü minute 54 nung points 17-21, 21-17, 21-13 ngua Austria nunger David Obernosterer 2 buba round nung tsükdaktsü.
Tan asayamong nung 2 buba jenjang abener Prannoy-ia points 13-21, 21-11, 21-15 agi Sweden nunger Mattias Borg madak takok anguba sülen Canada nunger B.R. Sankeerth den 3 buba round asayatsü lemzükogo.
RMV Gurusaidutt-ia points 21-8, 21-6 agi Canada nunger Jonathan Lai akokba sülen Estonia nunger Raul Must den taruba round asayatsü lemzükba osang jangjaogo.
4 buba jenjang abener, B. Sai Praneeth-ia points 26-24, 21-16 agi Chinese Taipei nunger Kan Chao akokba sülen Canada nunger Wenchao Shi den taruba round asayatsü.
Mixed double asayar, Manu Attri o Ashwini Ponnappa natia points 21-13, 21-14 agi Canada asayar, Byron Holcek o Erin O’Donoghue na tsükdakja Canada asayarsa, Jonathan Lai o Michelle Tong na den taruba asaya asayatsü lemzükogo.
Ano külen, London bronze medallist, Saina Nehwal-i temaleni jenjang ka atutsü maongka ngua tetsür singles badminton asayar tarensen nung 5 buba jenjang abener asayar akümba osang ka Badminton World Federation (BWF)-i tanü sangoktsüogo.
Ajisüaka, tetsür doubles asayar, Jwala Gutta o Ashwini Ponnappa nabo tsünglangleni jenjang 4 tashi loa tang 20 buba nung aliba osang jangjaogo.
Külem sensotsür, PV Sindhu maneni 10 buba jenjang nung lir.
Ano, tebur singles tarensen nung Sameer Verma 36 buba jenjang tonga atuba aser B. Sai Praneeth tsünglangleni jenjang 4 tashi loa tang 37 buba jenjang nung aliba osang jangjaogo.