Canada Open: Paes o Murray na 2 buba round-i iogo

Montreal, August 11 (Agencies): India nunger Leander Paes aser pa den külemi asayang, Britain nunger Andy Murray nati South Africa nunger Kevin Anderson aser France nunger Jeremy Chardy na madak takok ngua tang tasayadak Canada Open asayamong tebur doubles shilem indang 2 buba round-i yashi Hombar nü iogo.
Paes o Murray nati ghonda ka tsüngda nung points 6-3, 6-1 ngua Anderson o Chardy na 1 buba round asaya nung ayong ayonga tsükdaktsü.
Tenati Murray tenu, Jamie Murray aser Australia nunger John Peers na den 2 buba round nung ajuruteptsü.
Ano külen, India nunger Rohan Bopanna aser pa den külemi asayasang, Romania nunger Florin Mergea na 1 buba round nung bye anguba sülen Serbia nunger Novak Djokovic aser Janko Tipsarevic na den 2 buba round asayatsü lemzükogo.