Cancer adokba tongti kuliji moko achiba ajanga lir

Agartala, September 21 (Agencies): Deobar nü Indian Council of Medical Research (ICMR) scientist, Dr. Prabhdeep Kaur-i, north east tesem nung cancer tashitak adokba tongti kuliji moko mesepba aser moko achiba ajanga lir, ta ashi.
“India, north-east tesem nung cancer tashitak adokba tongti kuliji moko mesepba aser moko achiba ajanga lir, iba dak alia iba tesem nung iba tetsübutsü tashitak ya tanga kulitem ajanga-a adoker,” ta Dr. Kaur-i ashi.
North east tesem nung aliba state 8 prongla nung cancer tashitak adokba kuli aser iba tashitak züinba kuli bushitsü atema ICMR-i bushisüngdang ka tenzükogo.
Iba bushisüngdang ya Sikkim, Mizoram aser Tripura nungbo tenzükogo aser kobi melii tanüngba state tem nunga tenzüktsü, ta laisa ashi.
Agartala nung Kaur densema mongin nisung trok anogo pezünü National Programme for Prevention and Control of Cancer, Diabetes, Cardiovascular Disease and Stroke (NPCDCS) workshop nung denogo.
NPCDCS ya tawa Union Health & Family Welfare Ministry-i tenzüka liasü aser iba National Programme yagi 2017 küm tashi nung linük nung aliba state aser union territory 36 nung district 640 ayimjemtsü.

You must be logged in to post a comment Login