Candidate lakh 4.65 shi kati UPSC Prelims tatidang agütsü

New Delhi, August 23 (Agencies): Deobarnü India nung candidates lakh 4.65 shi kati UPSC civil services preliminary examination agütsüogo.
“Tanü Centre ka nung danga timtem ajuruba osang mali” ta Union Public Service Commission (UPSC) Secretary, Ashim Khurana-i osangbener dang ashi.
Yaküm dang nungi taküm candidate timbai tatidang agütsüogo. Yaküm tatidang agütsür ajak agi candidate 4,51,602 liasü saka taküm parnok 4,65,882-i tatidang agütsü, ta Ashim-isa ashi.
Kümshia UPSC ajanga civil services examination agir aser iba ya shilem asem lemsar agir. Preliminary, main aser interview shilem lemsa agiba tatidang nung tanga tongtipang mapatem den külemi Indian Administrative Service (IAS), Indian Foreign Service (IFS) aser Indian Police Service (IPS) nung nübo shimoker.
UPSC preliminary examination nung paper ana – Paper I aser Paper II agütsür aser tanep 9:30 ako nungi mezüngbuba paper atema tatidang agi aser tanabuba atema nikongtsütsü 2:30 nung tenzük.
India kübok yimti 71 nung tatidang agiba tesem 2,186 tashi nung tanü UPSC prelims exam agiogo.
“Delhi centre nung candidates 70,642-i tatidang agütsüogo” ta Gujarat cadre nungi 1983 batch IAS officer, Ashim Khurana-isa metetdaktsü.