Cannes 2016: Kirsten Dunst o Vanessa Paradis na tetendanger alitsü

Paris, April 26 (Agencies): Taküm agitsü ayongba Cannes film benjungmong nung Kirsten Dunst, Vanessa Paradis aser Valeria Golino nunger densemba actress-temi tetendanger ama shilem agitsü sentong renemba osang ka Cannes benjungmong tayongeri metetdaktsüogo.

69 buba Cannes benjungmong nung Iran’er tongti tetsür producer, Katayoon Shahabi-ia tetendanger ama shilem agitsü renema lir.

Züngsem 9 densemba tetendanger menden nung nungtugu Mad Max film yanglusang, Australia nunger George Miller-a densemtsü asoshi sentong renemogo.

Taküm shimba tetendanger rong nung Canada nunger actor mongin, arishi küm 80 tain Donald Sutherland tambotisang alitsü.

Woody Allen-i yangluba film tasenba, Café Society-i taruba May ita 11 nü nungi 22 nü tashi agitsü ayongba Cannes benjungmong lapoktsütsü sentong renema lir.