Canon indang EOS M50 4K ‘mirrorless’ camera sayaogo

New Delhi, Rongchii 14 (Agencies): Japan indang electronics yangluba company Canon-i India shishilembadak EOS M50 mirrorless 4K camera ka sayaogo. Iba camera ya DIGIC 8 image processor ajanga tashi agütsür aser tajung ka ji, camera yagi 4K movie tem tangoktetter. Tesangwa peria malidak ultra-high definition video tem tangoktettsü atema EOS M50 camera nung dual pixel CMOS (Complementary metal-oxide Semiconductor) AF (Auto Focus) tajungba inoktsüogo. Camera nungsa touch aser drag AF (Auto Focus) function tem ya tamshirtemi touch panel ajanga select süa aser AF frame ji temeyong agi arakzüdakja benshitettsü. Item function den yarisemtsü atema built-in 2.36 million dot electronic viewfinder (EVF) inoksemja yanglutsüogo.
Company-i ashiba agi EOS M50 camera ajanga Instagram benshir nem teyari agütsür. M50 ya kanga tepungba aser camera ya portable den külemi lens tem melena benshitetter.
EOS M50 nung 4K movie tem tangoktettsüsa teyari agütsübaji tamshirtem atema kanga tajangzük, aser company-i ashiba agi full HD resolution dang nungi iba camera yagi video footage tem pezüben agi tejangjaba tangoktetter. Video footage nungi noksatem agizüktsü atema ‘4K Frame Grab function’ inokja lir aser tamshirtemi video footage tangokba nungi high-resolution noksatem agizüka yutettsü.
EOS M50 nung DIGIC (Digital Imaging Integrated Circuit) 8 image processor aser 24.1MP APS-C sized CMOS sensor inokja yanglua lir aser ibaji ajanga tesangwa peria malidak camera yagi noksatem kanga jangja jangja tangoktetter. Company-i ashiba agi ‘built-in electronic viewfinder’ (EVF) ajanga tamshirtemi noksatem kanga dang indanga camera sensor ji benshia tangoktetter aser anü tesangwa kanga alidak tesem nunga noksatem maraksai kanga jangja tangoktetter. Iba Camera nung normal ISO (Image Sensor) speed ji 25,600 lir aser 51,200 tashi atsülanga benshitetter. Tesangwa peria malidak camera yagi ola tajemba (Shutter Noise) nung noksatem tangoktetter. EOS M50 nungsa Silent mode feature tasen ka bendenloka yanglutsüogo aser iba feature yagi Scene mode function benshidang teyari agütsür.
Connectivity tsütsü reprangdangra, EOS M50 yagi Bluetooth, WiFi aser smart device tem nung Video/images tem share süa benshitsü atema NFC (Near-field communication) tem support asütsü. Company-isa iOS aser Android platform anaprongnung Canon Camera app ka agütsür. Iba app ajanga tamshirtemi camera settings aser image transfer tem control süa benshitetter.
EOS M50 camera ya single kit option nung angutsü; ‘EF-M15-45mm f/3.5-6.3 IS STM lens’ aser camera jenjang ya sen 61,995 asütsü.