Canon India-i high-speed laser printer kar sayaogo

New Delhi, November 10 (Agencies) : Sorkar, enterprise tulutem, BFSI aser healthcare temi nüngdakba reprangteta Brihostibarnü Digital imaging company Canon India-i laser printer tasen kar sayaogo.
Item printer jenjang sen 87,495 nungi sen 149,999 tashi lir. Single-function “LBP 351x, LBP 352x” laser printer aser multi-function “MF 515x” printer tem nung mapa tali inyaktetba den memory tajungba aser toner cartridge tema mapang talanglang amshitettsü.
“Item printer tasentem sayaba ajanga onoki ‘Commercial Printing Segment’ nung A4-Laser printer inyakyim tali shisangba sayutsü aser ibaji ajanga tang market share nung onok noklang nung shilem 26 ang alibaji timba küma ajungkettsü nükjidong lir,” ta Canon India nung Tir aser CEO Kazutada Kobayashi-i metetdaktsü.
LBP 351x aser LBP 352x na nung black & white 55ppm aser 62ppm speed nung menüngzktettsü, Aji tang masü saka item printer tem nung mobile aser Cloud printing-a sütettsü.
LBP 351x printer agi page 2,50,000 aser LBP 352x agi page 2,80,000 menüngzüktettsü.
MF 515x printer ajanga 40ppm speed nung menüngzüktettsü aser iba ya mapa jenti aliba tesem nung amshitetba multi-function printer lir.
Iba printer nung atakteta aliba ‘flatbed scan’ keta lir aser ibaji ajanga tamshirtemi tongtibang shidi aser kuli kakettem kecha tetsükdaktsü melii scan aser print sütettsü.
Personal Computer mesüra mobile nungi tongtibang document print asüba mapang iba printer yagi ‘secure PIN printing’ inyakyim amshia document tem meraksadaktsüi agizüktetsü.