CANSSEA-i lungkak aitba sentong anener

Dimapur, March 28 (TYO) : Nagaland Chief Secretary-i March 28, 2017 nü shidi ka nung state sorkari 7th ROP atema abenba onük All State Services Associations ketdangpurtemi kanga junga shisadanga jembiba sülen, onük ana nung ajemdaker lungkak aitba anentsü telemtetba agi, ta CANSSEA sangdong ka nung metetdaktsü.
Mezüngbuba nung, sorkari 7th ROP ji June 1, 2017 nungi tenzüktsüla aser January 1, 2018 nungi agütsütsüla ta osang sangdongtsüla. Tanabuba nung, increment ji December 1, 2017 nungi asütsüla aser ibaji June 1, 2017 nungi notional fixation inyakyim nung asütsüla, ta CANSSEA President aser State Services Associations Convener, S. Takatuba Aier-i sangdong nung shia lir.