Capital College-i ANCSU penalty shootout tournament kokogo

Kohima, August 5 (TYO): Kohima Local Ground nung All Nagaland College Students’ Union (ANCSU)-i ayongzüka akaba Open Penalty Shootout tournament Capital College-i tanü kokogo.
Iba asayamong nung telok ajak agi 26-i shilem agi, college aser club balalai iba asayamong nung shilem agia liasü aser final asaya nung St Joseph College, Jakhama ‘B’ pur 5-4 agi koka Capital College-i iba asayamong kokogo.
Takoker tem nem senpet 20,000 den certificate aser tanabuba jenjang nung tembangertem nem certificate den senpet 10,000 agütsü.
Kicha nem sempet agütsüba nung best goal keeper award Capital College nungi Mughato Assumi nem agütsü. Pai senpet sen 3000 agizük.
Asayamong tatembang sentong nung ANCSU tir Temjennungsang Jamir-i lokti pelaa agizük aser ANCSU Tribunal General aser taoba speaker Kezhazer Angami-i senpettem agütsü. Director of Get Them Go Sports International, Viposa Kiso-i tenüngsang agüja sarasadema iba asayamong tembang.
Iba asayamong ya ANCSU 8buba Biennial General Conference nüngtem nung ayongzüka aka. Iba conference ya Mokokchung nung taküm November ita tetenzüklen akatsü asoshi renema lir.