Capital College nung Workshop ka agi

Kohima, Chiteni/July 11 (TYO): COVID-19 wara pokteter aliba mapang ka nung education tsütsü tetsükdaktsü tulu adokogo aser classroom nung tangazükba agüja aliba toktsür, tesayurtemi sayutsü aser kaketshirtem angazüktsü asoshi tanga lenmang bushitsüsa kümogo.
Iba dak sendakba nung July 10 nü Capital College of Higher Education, Kohima nung “Innovate and enhance learning through Google Classroom and Online tools” omen nung ajemdaker anogo ka atema workshop ka ayongzüka agiogo. Flipped classroom aser blended learning amala inyakyimtem tendangtsü asoshi iba sentong ayonga agi. Iba workshop nung Assistant Professor, GITAM Hyderabad Dr. Ruth Hauzel, tongti o jembir liasü.
Lai, blended learning kodang nüngdaker aser tang koda tapet iba indang jembiba den angazükba yimya ajungkettsü asoshi Google Classroom ya tapet asütsü ta ashi. Live web session ajanga lai o jembia liasü.
Workshop nung hands-on session ya Google Classroom amshiba aser create asüba dak sendakba nung practice session ka liasü, koba Sungjemmongla Jamir, Assistant Professor, department of political science, Capital College of Higher Education, Kohima lenisüba kübok agi.