Capt. Kenguruse asayamong DGP XI & Naga FC na final asayatsü

Dimapur, November 28 (TYO): Director General of Police (DGP) XI aser Naga Football Club telok nati semifinal asaya nung takok ngua tang tasayadak Captain Kenguruse Memorial Football Tournament final asayatsü jenjang tanü Honibar nü nguogo.
Tanü mezüngbuba semifinal nung DGP-XI teloki goal 9-1 agüja Mokokchung District Football Association (MDFA) telok ajemshia akok.
Tanü asaya nung Saku Temjen-i hat-trick yangluba den külemi, külem asayar, Yanger-i goal 1, Lima-i goal 2, Lipok-i goal 1 aser Roko-i goal 2 agütsüba ajanga par DGP XI teloki goal 9 tashi agüja tanü takok angu.
MDFA asayar, Yanger-ia par telok asoshi goal 1 agüja liasü.
Naga telokia goal 3-0 agi 164 TA Head Hunters of Naga Regiment telok madak tanabuba semifinal asaya koka final nung shilem agitsü jenjang angu.
Naga asayar, Rhitsho Mero-i mezüngbuba aser Khwetelhi Thopi-i tanabuba o tasembuba goal na agüja tanü takok angu.
DGP Xi aser Naga teloki taruba Hombar nikongdang 1:00 ako nungi tenzüka final asayatsü.