Capt. Kenguruse Memorial Football Tournament tenzükogo

Dimapur, November 23 (Agencies): Inspector General Assam Rifle (North) [IGAR(N)]-i ayonger külen Kohima Local Ground nung Captain Kenguruse, MVC All Nagaland Memorial Football Tournament tanü Hombar nü nungi asaya tenzükogo.
Linük asoshi pei taküm bendanga agüja tenlaba nüngtem nung Mahavir Chakra sempet agizüksang, asür Captain Kenguruse tenüng kodanga mesamadaktsütsü nükjidong nung Headquarter 3 Corps nungi temelaba agiba sülen IGAR(N)]-i tan asayamong ya ayonga lir.
Tan asayamong nung Nagaland nung densemba district ajunga nungi ajak agi telok 23-i shilem tagidak lir.
“Naga kin ya saisapongtsü jangraba kin ka lir. Naga nungertemi asaya balala talisa, football kanga junga asayateter,” ta tanü asayamong lapokba sentong nung tongti tesemdanger, DGP Nagaland, L. L. Doungel-i lemsatep.
Saisapongba ajanga telungjem bener arutsütsü nükjidong nung asayar shiai yimya tajungba nung shilem agitsü asoshi tongti tesemdanger-isa ajungshia liasü.
Tanü asayatem osang:
DGP XI teloki goal 2-0 agi HQ IGAR (N) akok.
Falcon FC, Jalukie B Village teloki goal 6-0 agi Meluri Division Football telok akok.
Ihoshe FC Lumami teloki goal 3-0 agi Barak FC, Peren telok akok.
ADAX FC teloki goal 5-0 agi Longleng District Football Association telok akok.
Vanguard FC, Tseminyu teloki goal 7-1 agi Legend Club Kiphire telok akok.
Naga FC, Kohima teloki goal 6-0 agi Ao Yimkum FC telok akok.
Wokha District Team teloki goal 3-0 agi One Ton FC, Peren akok.
November 25 nü asaya yamai alitsü:
Ihoshe FC Lumami Vs Adax FC
Abide Club Kiphire Vs Falcon Division Meluri
Warrior FC Vs Mokokchung District FA
Vanguard FC Tseminyu Vs Phek Town Football Team
Aituzo United FC Vs 164 TA Head Hunter Naga
Naga FC Vs Wokha District Team
Phek Sports Association Vs Deenix FC