Captain ka ama Kohli-i run 2000 jungogo; pa temaba jenjang nung lir

September 28, 2017 (Agencies): Captain ka ama ODI format nung run 2000 tekaritiba ngutetba rongnung Virat Kohli mezüngbuba jenjang ajangtetogo. Kohli-i Royal Challengers Bangalore teammate aser taoba South African skipper AB de Villiers ajateta iba jenjang tongtet, AB de Villiers-i innings 41 nung run 2000 yangluteta liasü. Kohli-i captain ka ama run 2000 ya Australia den bangalore nung asayadang tongtet. Iba asaya nung India nungeri akoktsü asoshi run 335 nüngdaka liasü.  M. Chinnaswamy stadium nung iba asaya nung India nunger openers Rohit Sharma aser Ajinkya Rahane nati kanga junga asayaa tenzük aser tena senteper run 106 yanglutet.