Captain Prasun-i Sainik School Punglwa Principal mapa agizük

Kohima, Chiteni/July 04 (TYO): July 3, 2019 nü Group Captain Prasun Basu-i Officiating Principal, Lt Col M Kiran Meitei ket nungi Sainik School Punglwa Principal mapa agizükogo, ta Col C Konwer PRO (DEF)-i sangdong ka ajanga metetdaktsü.
Group Captain Prasun Basu indang qualification ji M.Sc in Maths, MCA & PGDMFM lir aser pa 1994 küm Indian Air Force kübok Education Branch nung commission süa liasü.
Pai nüngtugu reju aika nung inyaka aruogo, item rongnung- Air Force Training Institute, Bangalore, Air HQ Computer Cell; SSB Dehradun nung Psychologist aser Allahabad nung Command Education Officer inyak. Pai tenzükba wadang nung kanga junga inyakba ajanga 2009 küm pa nem Chief of Air Staff Commendation award agüja liasü.
Principal school tonga arudang class 12 nung azünger cadet temi pa nem akhüm agüja agizük aser Administrative Officer, Lt Col M Kiran Meitei aser Sqn Ldr Sanjeev Kumar Chaudhary Vice Principal nati pa den jembia liasü.
Group Capt Sharad R Keskar-i küm ka ser tesadang shi iba school nung Principal inyaka aruba sülen taküm May 19 nü anisüngzüka liasü.